நீங்கள் தேடியது "தேனி மழை"

கூடலூர்:

தேனி மாவட்டம் கம்பம், கூடலூர், குமுளி மற்றும் அதனை சுற்றியுள்ள பகுதியில் கடந்த 2 நாட்களாக பலத்த மழை பெய்து வருகிறது.

ஏற்கனவே கடந்த மாதம் பெய்த கன மழையின்போது லோயர்கேம்ப்- குமுளி மலைச்சாலையில் 3 இடங்களில் மிகப்பெரிய அளவில் நிலச்சரிவு ஏற்பட்டது. இதனால் 15 நாட்கள் போக்குவரத்து தடைபட்டு சரி செய்யும் பணிகள் நடந்தது.

சாலை துண்டிக்கப்பட்ட இடத்தில் மணல் மூடைகள் அடுக்கி வைக்கப்பட்டன. தற்போது கடந்த 2 நாட்களாக பலத்த மழை பெய்து வருவதால் மணல் மூடைகள் சரிந்து சாலையின் மறுபுறமும் சேதம் அடைந்தது.

இதனையடுத்து போலீசார் மற்றும் வருவாய்த்துறையினர் சம்பவ இடத்திற்கு வந்து ஆய்வு செய்தனர். தொடர்ந்து மழை பெய்வதற்கான வாய்ப்புகள் இருப்பதால் கனரக வாகனங்கள் செல்ல தடை விதிக்கப்பட்டுள்ளது.

மேலும் விபத்து ஏதேனும் ஏற்படாமல் இருக்க தொடர்ந்து போலீசார் ரோந்து பணியில் ஈடுபட்டு வருகின்றனர்.

கடந்த 2 நாட்களாக மழை பெய்து வருவதால் பெரியாறு, வைகை அணைகளுக்கும் நீர்வரத்து அதிகரித்துள்ளது. பெரியாறு அணையின் நீர்மட்டம் 125.50 அடியாக உள்ளது. வரத்து 1079 கன அடி. திறப்பு 1200 கன அடி. இருப்பு 3726 மி.கன அடி.

வைகை அணையின் நீர்மட்டம் 57.58 அடி. வரத்து 1173 கனஅடி. திறப்பு 2360 கன அடி. இருப்பு 3755 மி.கன அடி. மஞ்சளாறு அணையின் நீர்மட்டம் 41.65 அடி. வரத்து 8 கன அடி. திறப்பு 3 கன அடி. சோத்துப்பாறை அணையின் நீர்மட்டம் 115.62 அடி. வரத்து 9 கன அடி. திறப்பு 3 கன அடி.

பெரியாறு 2.4, தேக்கடி 9.6, கூடலூர் 8, சண்முகாநதி அணை 6, வீரபாண்டி 25, மஞ்சளாறு 2 மி.மீ. மழை அளவு பதிவாகி உள்ளது. #Rain

கூடலூர்:

தேனி மாவட்டத்தில் பரவலாக மழை பெய்யததால் பொதுமக்கள் மகிழ்ச்சி அடைந்தனர்.

நீர்பிடிப்பு பகுதியில் மழை முற்றிலும் ஓய்ந்துவிட்டதால் பெரியாறு அணைக்கு 649 கனஅடிநீரே வருகிறது. இதனால் அணையின் நீர்மட்டம் வேகமாக குறைந்து 131.25 அடியாக உள்ளது. அணையிலிருந்து 1867 கனஅடிநீர் திறக்கப்படுகிறது.

நீர்திறப்பை குறைக்கவேண்டும் என விவசாயிகள் வலியுறுத்திய போதும் அதிகளவு தண்ணீர் திறக்கப்படுகிறது. இந்த நீர் பாசனத்திற்கு போக வைகை அணையை வந்தடைகிறது. இதனால் அணைக்கு 1346கனஅடி நீர் வருகிறது. குடிநீர் மற்றும் பாசனத்திற்காக அணையிலிருந்து 3460 கனஅடிநீர் திறக்கப்படுகிறது.

மஞ்சளாறு அணையின் நீர்மட்டம் 41.65 அடியாக உள்ளது. வரத்தும், திறப்பும் இல்லை. சோத்துப்பாறை அணையின் நீர்மட்டம் 115.29 அடியாக உள்ளது. வருகிற 3 கனஅடிநீர் அப்படியே திறக்கப்படுகிறது.

தேனி மாவட்டத்தில் பரவலாக மழை பெய்தது. பெரியாறு 2, தேக்கடி 9.6, கூடலூர் 4.3, உத்தமபாளையம் 6.6, வீரபாண்டி 8, சண்முகாநதி அணை 8 மி.மீ மழையளவு பதிவாகியுள்ளது. இன்றும் மழை பெய்வதற்கான வாய்ப்பு இருப்பதால் பொதுமக்கள் எதிர்பார்த்துள்ளனர்.

கூடலூர்:

தேனி மாவட்டத்தில் பரவலாக மழை பெய்ததால் விவசாயிகள் மகிழ்ச்சி அடைந்தனர்.

கனமழை காரணமாக முல்லைபெரியாறு அணை நீர்மட்டம் 142 அடி வரை உயர்ந்தது. ஆனால் அதன்பின்பு மழை குறைந்ததால் அணையின் நீர்மட்டம் 137.10 அடியாக குறைந்துள்ளது. அணைக்கு 606 கனஅடிநீர் வந்து கொண்டிருக்கிறது.

அணையில் இருந்து 2207 கனஅடிநீர் திறக்கப்படுகிறது. இந்த நீர்பாசனத்திற்கு போக வைகை அணையை வந்தடைகிறது.

அணையின் நீர்மட்டம் 69.13 அடியாக உள்ளது. நீர்வரத்து 1895கனஅடியாக உள்ளது. மதுரை குடிநீர் மற்றும் பாசனத்திற்காக 2030 கனஅடிநீர் திறக்கப்படுகிறது. மஞ்சளாறு அணை நீர்மட்டம் 41.75 அடியாக உள்ளது. வரத்தும், திறப்பும் இல்லை.

சோத்துப்பாறை அணை நீர்மட்டம் 116.06 அடியாக உள்ளது. வரத்து இல்லாத நிலையில் 3 கனஅடிநீர் திறக்கப்படுகிறது.

பெரியாறு 3.8, கூடலூர் 1.3, சண்முகாநதி அணை 1, உத்தமபாளையம் 1.6, வீரபாண்டி 6, வைகை அணை 3, மஞ்சளாறு 4, சோத்துப்பாறை 3, கொடைக்கானல் 4.6 மி.மீ மழையளவு பதிவாகியுள்ளது.

மேலும் தேனி மாவட்டத்தின் பிறபகுதிகளிலும் இரவு முழுவதும் சாரல் மழை தொடர்ந்ததால் விவசாயிகள் மகிழ்ச்சி அடைந்தனர்.

கூடலூர்:

தமிழகத்தில் பல்வேறு பகுதிகளில் கோடை வெயிலின் தாக்கம் அதிகரித்து வருகிறது. குறிப்பாக அக்னிநட்சத்திரம் தொடங்கியதில் இருந்து காலை நேரங்களில் வெயில் கொளுத்துகிறது.

மாலையில் இடி மின்னலுடன் மழை பெய்து வருவதால் பொதுமக்கள், விவசாயிகள் மகிழ்ச்சி அடைந்துள்ளனர். இதனால் கோடை வெயிலை சமாளிக்க முடிகிறது.

பெரியாறு அணை நீர்பிடிப்பு பகுதியில் சாரல்மழை பெய்து வருவதால் அணைக்கு நீர்வரத்து 473 கனஅடியாக உயர்ந்துள்ளது. 100 கனஅடிநீர் திறக்கப்படுகிறது.

வைகை அணை நீர்பிடிப்பு பகுதியில் மழை தொடர்ந்து வருகிறது. இதனால் நீர்வரத்து அதிகரித்து 902 கனஅடிநீர் வருகிறது. மேலும் அணையின் நீர்மட்டமும் ஒரேநாளில் 1¼ அடி உயர்ந்து 35.99 அடியாக உள்ளது. 48 கனஅடிநீர் மதுரை மாநகர குடிநீருக்காக திறக்கப்படுகிறது.

மஞ்சளாறு அணை நீர்மட்டம் 35.40 அடியாக உள்ளது. 25 கனஅடிநீர் வருகிறது. நீர்திறப்பு இல்லை. சோத்துப்பாறை அணை நீர்மட்டம் 126.50அடியாக உள்ளது. 80 கனஅடிநீர் வருகிறது. 3 கனஅடி நீர் திறக்கப்படுகிறது.

பெரியாறு 2.8, தேக்கடி 5.4, கூடலூர் 1.4, உத்தமபாளையம் 1.2, மஞ்சளாறு 8, சோத்துப்பாறை 5 மி.மீ மழையளவு பதிவாகியுள்ளது. பல ஆண்டுகளுக்கு பிறகு கோடை மழை கைகொடுத்ததால் மானாவாரி விவசாயிகள் மகிழ்ச்சி அடைந்துள்ளனர். எனவே மழை தொடரவேண்டும் என எதிர்பார்த்துள்ளனர்.